рэпрэсіі		СВАБОДА
	падман		ПРАЎДА
	бязмежжа		СПРАВЯДЛІВАСЦЬ

СВАБОДА, ПРАЎДА, СПРАВЯДЛІВАСЦЬ

АСНОЎНЫЯ ПАЛАЖЭННІ ПЕРАДВЫБАРЧАЙ ПРАГРАМЫ

АЛЯКСАНДРА МІЛІНКЕВІЧА

Людзі – галоўнае багацце нашай краіны. Іх нельга прыніжаць, прымушаць ісці супраць сумлення. Гэта вядзе краіну ў тупік.

Толькі новы Прэзідэнт здолее адкрыць для Беларусі новыя магчымасці.

Мая праграма будуецца на трох фундаментльных каштоўнасцях:

Свабода, Праўда, Справядлівасць.

Рэалізацыя праграмы дасць Беларусі:

_       новыя магчымасці для краіны і яе грамадзян
_       новыя рынкі збыту прадукцыі
_       новыя працоўныя месцы
_       павагу да Беларусі і яе грамадзян ва ўсім свеце
_       упэўненасць у заўтрашнім дні

Пры новым Прэзідэнце:

_       будзе адменена ганебная кантрактная сістэма
_       знікне атмасфера страху
_       улада будзе выбірацца, а не прызначацца
_       спыніцца самаізаляцыя краіны
_       людзі здолеюць годна зарабляць дома, а не шукаць заробку на чужыне
_       заахвочванне добрай працы стане больш важным, чым пакаранне за дрэнную

Беларусі патрэбна энергія перамен

Беларусь загразла ў мінулым. У нас не стабільнасць, а застой. Увесь свет ідзе наперад, а Беларусь топчацца на месцы. Паглядзіце на ўзровень тэхналогій, заробкаў, на якасць жыцця! Гісторыя вучыць, што падобная “стабільнасць” канчаецца грамадскімі катаклізмамі. Беларусі патрэбны новы стыль кіравання, арыентаваны на развіццё, супрацоўніцтва, заахвочванне ініцыятывы.

У маю каманду ўваходзяць сумленныя і дасведчаныя прафесіяналы, прызнаныя ў свеце спецыялісты, патрыёты Радзімы. Наша праграма – вынік сур’ёзнага аналізу патэнцыялу нашай краіны.

Наша задача – стабільнае развіццё. Галоўная мэта – стварыць умовы, каб чалавек змог найбольш поўна рэалізаваць свае магчымасці.

Дэталёвая інфармацыя на афіцыйным сайце А. Мілінкевіча